#DearZindagi Zindagi Ae zindagi tu hi toh humein i

#DearZindagi Zindagi Ae zindagi tu hi toh humein iss anjaan si duniya mein le aati hai... Ae zindagi tu hi toh humein har mod par aazmaati hai... Ae zindagi tu roz ke roz kisi naye shaksh se milati hai... Aur kai puraane rishton se door bhi le jaati hai... Ae zindagi tu toh bass apne hi geet gungunati hai... Har shaksh ko tu khoob nachati hai... Tu mil jaati hai jise... Woh shaksh kehlaata hai bahut khushnaseeb... Aur tu chorr jaati hai jise woh ho jaata bina jism ka ek gareeb... Kabhi toh bahut bhayanak hadse dikhati hai tu... Kabhi toh ek pakki saheli ki tarah har modd par saath dekar hasati hai tu... Toh kabhi bairi dushman ki tarah khoob rulati hai tu... Aakhir har shaksh ko kyu itna aazmaati hai tu... Naah jaane har shaks par kitne hi zulm dhaati hai tu... Phir bhi aakhir mein kitni acchi ban jaati hai tu... Tu kaha hai aasan zindagi... Tujhse hi toh hoti har ek shaks ki pechaan zindagi... Asptaal se lekar shamshaan takk ka safar apne saath laati hai tu... Kriti sood. #DearZindagi

Kriti Sood.