नभ उतरले अंगणी तुझ्या सवे पाऊस घेऊन तुही ये प्रिय | Marathi Poetry

नभ उतरले अंगणी तुझ्या सवे पाऊस घेऊन तुही ये प्रिये आता ओली चिंब होऊन धरू नको लाज उरी कसली केस मोकळेच राहुदेत तुझ्यासम यांनाही आज पाऊसाला पाहुदेत मनमोहक रूप तुझे आज सरींनीच टिपले उतरता देहावरून लागे जणू मोती बरसले गालावरच्या या थेंबांना हलकेच खाली ओघळूदे लागेल शर्यत त्यांचीही ओठास भेटायला थोडी वाट त्यांनाही पाहुदेत केसातला गजरा जाईचा बघ नव्याने बहरला भेटण्या तुला हा मेघ पाऊस बनून बरसला उतरताना या सरींचे मिलन थेंबांशीही झाले होता एकरूप त्या थेंबात गगनी इंद्रधनू उभरले किलबिलाट पक्ष्यांचा जणू नवे सूर गवसले लखलखाट होता बिजलीचा आभाळी नवे चांदणे उमगले धीर आता कसला मना सामने तुझीच प्रतिमा कायम घेतला हात हाती तुझा सोडून सारा धीर अन संयम नको आता मोह कसला मन तृप्त झाले भिजून तुही ये सखे आता ओली चिंब होऊन..... ©Samruddhi भेट पावसातली #rainfall#love#marathi poem#hobby#love rain