तु करतीस नुसती खाना खुणा अनं मी पडावं तुझ्या प्रेमात पुन्हा पुन्हा. हसत हसत तुझं सामोरी जाणं हळुवार मनात उतरत येणं प्रेम असुनही नसल्या सारखं करण येता जाता माझ्या अवती भवती फिरणं मग कसं समजवु मी माझ्या मना अनं रोज पडावं तुझ्या प्रेमात मी पुन्हा पुन्हा. चंद्र चांदणे नभ हे सारे तुझे होऊन पृथ्वी मी घ्यावे कवेत हे जग सारे माझे, तु यावे त्यात बनुन अलगद कळी इथे तिथे सारीकडे तु मखमलीची व्हावी फळी, हे सारे तु समजुन आता घेणा अनं रोज पडावं तुझ्या प्रेमात मी पुन्हा पुन्हा. माझे घर दार वाटेवर तुझ्या असती येणार तु म्हणुनी सारी फुलपाखरे दारी येऊन हसती, सुर सनई सारे तालात बोलती बघण्यास तुला जाई जुई चाफा फुलती आता एकदा तरी भेटुन तु जाणा अनं रोज पडावं तुझ्या प्रेमात मी पुन्हा पुन्हा. नको नको तु आता नकोस काही बोलु चिडीचिप किलकीलाट मनात नको खोली जमलेच तर तु ये आता थोडे नयनातच आपण बोलु, पुन्हा एक कविता नयनातली शब्दात घालु, गाजत वाजत येणार असे वचन तु माझ्या कवितेला तु देणा, अनं रोज पडावं तुझ्या प्रेमात मी पुन्हा पुन्हा. पडावं प्रेमात तुझ्या पुन्हा पुन्हा.