बैण बेट्या सूं ईं ओपे छै बासण ब्याव 'बंदौरी' बैण ब | Marathi कविता

बैण बेट्या सूं ईं ओपे छै बासण ब्याव 'बंदौरी' बैण बेट्या को रात की तीन- तीन बज्यां तांईं नाचबो बैण बेट्या को गीत गाळ गाबो बैण बेट्या को रावळा मं बलावो दैबो बैण बैट्या को लावणो बाँटबो बैण बेट्या सूं ईं ओपे छै.. बैण बेट्या को बधावा गाबो बैण बेट्या को हाँसबो - रोबो बैण बेट्या को मैंदी रचाबो बैण बेट्या को रीत निभाबो बैण बेट्या.. बैण बेट्या को भाई-भतीजा लैखे दुआ माँगबो बैण बेट्या को प्हीर सूं हैत राखबो बैण बेट्या को माँईं - बाप सूं बोलबो बतळाबो बैण बेट्या को दन भर मं कतरी ईं बार चतारबो बैण बेट्या.. असी ईं हौवे छै बैण बेट्या "हरप्रीत" रैवें सासरे मं छै पण जींव प्हीर मं कैवें सासरे की छै पण गावें प्हीर मं छै वें सासरे मं पण रूं प्हीर मं हाँ बैण बेट्या अेक ठाम की होर बी दो ठाम पे रैवें छै "हरप्रीत" "प्हीर अर सासरे !" #आपणो_राजस्थान_आपणी_राजस्थानी #हाड़ौती_हुँकार ©Dilip Singh Harpreet #राजस्थान #राजस्थानी #मायड़भासा #दिलीप_सिंह_हरप्रीत #दिलीप #Nojoto #RajasthanDiwas #RAJASTHANI