शीश झुकाइन पांँव पडिन,वोट बेरिया जयराम करिन। दारू,

शीश झुकाइन पांँव पडिन,वोट बेरिया जयराम करिन। दारू, गांजा, दाना–पानी,जो मांगा सब कुछ दान करिन। शौचालय तुमका दइ देबै,घर भर की पेंशन कइ देबै। नाली निर्माण कराए देबै,घर–घर नलकूप गड़ाए देबै। खड़ंजा नाली बन जैहैं,कालोनी तुमका मिल जैहैं। काकी–काका, भईया–भऊजी,हे बहिनी हमका वोट दिहौ। हम सबसे अच्छा काम करब,नौ पुरवा स्वर्ग बनै देबै। तुम्हरे सेवा मा लगे रहब,जहांँ कइहौ उहांँ खड़े रहब। दिन-रात एक कर काम करब,न बइठब न आराम करब। मंदिर एक बनवाउब हम,पूजा पाठ करवाउब हम। बहु भांति बात बनाईंन इ,वादन के झड़ी लगाईन इ। एक महीना पहिले से,घर–घर मा सब समझाईन इ। जनता की पहिले वोट लिहिन,जब जीत गए तव छोड़ दिहिन। जेहिके चाहिन सब काम करिन,जेहिसे चाहिन मुंँह मोड़ लिहिन। जब मिलेव कहेव, उद्धार करौ, प्रधान जी हमरौ काम करौ। आश्वासन देत इ बात कहिन,कुछ वक्त अउर इंतजार करौ। अमीरन कै ही साथ दिहिन,गरीबन का इ छोड़ दिहिन। अमीरन का सब बनाईन हैं,गरीबन का अउर डुबाईन हैं। तो सोच समझ सब वोट दिहौ,न दारू न तुम नोट लिहौ। लालच मा जौ पड़ जैहौ,फिर हाथ मलत ही रहि जैहौ। ऊ चुनाव तलक पीछे घूमिन,तुम पांँच साल पीछे घुमिहौ। लालच मा जौ पड़ जैहौ,फिर हाथ मलत ही रहि जैहौ। #मौर्यवंशी_मनीष_मन #राजनीति #yqdidi हिंदी श्रृंखला Best YQ Hindi Quotes #प्रधान

शीश झुकाइन पांँव पडिन,वोट बेरिया जयराम करिन। दारू,

kavi manish mann