rafta rafta rañg bikharte jaate haiñ tasvīroñ ke daaġh ubharte jaate haiñ vaqt kī sāzish gahrī hotī jaatī hai dīvāroñ ke rañg utarte jaate haiñ ban kar phir aaseb bhaTakne lagte haiñ dil ke vo ehsās jo marte jaate haiñ yādoñ meñ ik Tiis banī hī rahtī hai dhīre dhīre zaḳhm to bharte jaate haiñ āḳhir tak insān akelā rahtā hai yuuñ hī māh-o-sāl guzarte jaate haiñ āb-o-dāna aur nasheman ke sapne panchhī kī parvāz katarte jaate haiñ zaḳhmoñ meñ har roz izāfa hotā hai ġhazloñ ke mafhūm sañvarte jaate haiñ ©Mohd Arsh malik Manish Shukla poet #SittingAlone
