तोच जुना रस्ता आता दिसतो गजबजलेला ना ती भयाण शांतत

तोच जुना रस्ता आता दिसतो गजबजलेला ना ती भयाण शांतता ना ती सुखद त्या वट वृक्षाची सावली ना कुणाची वाट पहायची जिथे कुणी चिट पाखरू पण फिरकत नव्हते ! आता भरून वाहतोय माणसांनी ! पण खरा माणूस तोच कुठेतरी हरवलाय ! शोधतोय माणूस याच रस्त्यावर जो येता जाता राम राम करणारा ! प्रेमाचे दोन शब्द विचारणारा ! आपला माणूस मायेने चौकशी करणारा ! तोच जुना रस्ता झालाय अनोळखी येथे आता कोणी कुणाला विचारत नाही जो तो फक्त आपल्याच विचारात मग्न असणारा ! तोच जुना रस्ता जिथे शपथा घेतल्या चोरून आलिंगने दिली घेतली प्रेमात आकंठ बुडालो तोच जुना रस्ता आता कुठेतरी हरवलाय !!! *** प्रकाश साळवी बदलापूर - ठाणे मोबा. ९१५८२५६०५४ तोच जुना रस्ता !