Ghar mein Musafir. Ghar mein reh kar bhi ik kashmakash mein raha, Wo shaks jo musalsal safar mein raha. Darwazon se nikalte hi muhajir sa hua, Apni faqeeri ka wo khud hi mujaavir sa hua. Chalne ka hausla nahi rukna muhaal kar diya, Bemuravvat iss shart - e - safar ne use nidhaal kar diya. Khoye huon ki aarzoo taa - umr wo karta raha. Tav -e - mehtaab ban kar har shab phir bhi chamakta raha. Is baya'nba'n mein bhooli bisri yaadon sa raha. Wo sheher mein apne yun begaano'n sa raha. Khushk patton ki tarah jism uda jata hai, Ghar kareeb tha phir bhi musafirat mein raha. Shaakh -e -Gul ko kar viraa'n saraye mein aa baitha hai, Chand lamhon ke liye bhi wo manazir na raha. Tishnagi hai safar ki ya kisi gunahon ki saza, Wo kuaa'n sookh gaya wo jiska muntazir sa raha. @ Kayenat Kamal. Ghar mein Musafir. #kayenatdiaries#🥰
