एवढेच पुरेसे होते... ते प्रश्न भेडसावणारे पुरेसे होते; मऊ मखमली उत्तरे नकोत आता ते घामाने डबडबलेले चेहरे पुरेसे होते; बडेजाव मिरविणारी अत्तरे नकोत आता ते कटु सत्याचे शब्द पुरेसे होते; खोटी मधाळ आश्वासने नकोत आता ते प्रेमातील स्पष्ट नकार पुरेसे होते; नुसतेच दिशाभूल इशारे नकोत आता ते संवेदनेने वाहणारे अश्रू पुरेसे होते; वरकरणी सात्वांनाचे बांध नकोत आता ते आर्त हाकेला धावणारे मित्र पुरेसे होते; नुसतेच वांझोटे प्रतिसाद नकोत आता ते गजबजलेले घराचे कोपरे पुरेसे होते; शांत, एकांत किनारे नकोत आता ते कायम सोबतीचे करार पुरेसे होते; तडजोडीचे दुरावे नकोत आता #एवढेच पुरेसे होते