ಎಕಾ ಸೆಮಿನರಿಸ್ತಾಚಿ ಕಥಾ ತ್ಯಾ ಘರಾಚ್ಯಾ ಪಾಕ್ಯಾಚೆರ್ ನಾತ್ಲೆಲೆ ಸಾರ್ಕೆ ನಳೆ ವಣದ್ ಉತ್ರೊನ್ ಆಯ್ಕಾತಲೆ ತಾಂಚೆ ಕಳ್ವಳೆ ದುಬ್ಳಿಕಾಯೆಚೊ ನ್ಹಿವಾನಾತ್ಲೊಲೊ ತಾಪ್, ಘರ್ಚ್ಯಾ ಯೆಜ್ಮಾನ್ಯಾಚ್ಯಾ ಪಿಯೊಣ್ಯಾಚೊ ಪ್ರತಾಪ್ ದೀಂವ್ಕ್ ಲಾಗ್ಲೆ ಆಂಗ್ಭರ್ ಖಿಳೆ.!! ಹರ್ ದೀಸ್ ಖರ್ಚಾಚಿ ಜಡಾಯ್ ಸಾಂಗಾತಾ ಹಜಾರ್ ವಾಟಾಂನಿ ನಾಲಿಸಾಯ್.!! ಶಿತಾ ಉಂಡ್ಯೆ ಬದ್ಲಾಕ್ ಜೆವ್ತಲಿಂ ತಿಂ ಬೆಜಾರಾಯ್ ತರೀ ಜಿಣ್ಯೆ ಕೊಳ್ಶ್ಯಾಂತ್ ಭರೊನ್ ವೊಮ್ತಾತಾಲಿ ಸೊಸ್ಣಿಕಾಯ್.!! ಸ್ಥಿತಿ ಸಮ್ಜೊನ್ ಜಾಯ್ತೆ ಪಾವ್ಲೆ ಕುಮ್ಕೆ ಹಾತ್ ಭಾಸಾವ್ನ್ ಗೆಲೆ ಥೊಡೆ ಮಾತ್ರ್, ಉತ್ರಾಂ ಬರಾಬರ್ ಚಲ್ಲೆ ಚಡ್ತಾವ್ ಸಗ್ಳೆ, ಹಾತ್ ಧುವ್ನ್ ಪೊಳ್ಳೆ.!! ಶೆಕಿಂ ಪಾವ್ಲೊ ಎಕ್ಲೊ ಸೆಮಿನರಿಸ್ತ್ ತ್ಯಾ ಕುಟ್ಮಾಂತ್ ತಾಕಾ ಮೆಳ್ಳೊ ಘಾಯೆಲ್ಲೊ ಜೆಜು ಕ್ರಿಸ್ತ್ ಕುಟ್ಮಾಲಾಗಿಂ ತ್ಯಾ ಘಟ್ ಕರುನ್ ಬಾಂದ್ ಮಾರ್ಲೊ ತಾಣೆಂ, ತಾಂಚ್ಯಾ ಖುರ್ಸಾಕ್ ಖಾಂದ್.!! ಜಾಯ್ತ್ಯಾ ಭಾಂವ್ಡಾಂನಿ ಸೆಮಿನರಿಸ್ತಾ ಸಂಗಿಂ ಮೆಳೊನ್ ಕೆಲ್ಲ್ಯಾ ಕುಮ್ಕೆನ್, ಕುಟ್ಮಾ ಪರಿಗತ್ ಸುಧಾರ್ಲಿ ಸವ್ಕಾಸಾಯೆನ್ ವರ್ತ್ಯಾ ಮ್ಹಿನತೆನ್, ವರವ್ನ್ ಘಾಮ್ ಮದ್ಲ್ಯಾ ಪುತಾನ್ ಆಪ್ಣಾಯ್ಲೆಂ ಬರೆಂ ಕಾಮ್.!! ಕುಟ್ಮಾನ್ ದೆಕ್ತಾನಾ ಬದ್ಲಾಪ್ ಗಾಂವ್ಕಾರಾಂಚೊ ಥಾಂಬ್ಲೊ ಸುಕೊ ಸಯ್ಲಾಪ್ ಪೇಜ್-ನೀಸ್ ವಚೊನ್ ಯೆತಾನಾ ಪಾನ್ಪಾಳೆ-ಪೊಳೆ ಸೆಜಾರ್ಯಾಂನಿ ಉಘಡ್ಲೆ ಮೊಸ್ರಾ ದೊಳೆ ಆಜ್ ಮೊಸ್ರಿ ಸೆಜಾರಿ ವಿಚಾರ್ತಾ 'ತೊ ಕಿತ್ಯಾಕ್ ತಾಂಗೆರ್ ಯೆತಾ.!?' ಅಶೆಂ ಆಪ್ಣಾಕ್ ದೀಂವ್ಕ್ ಜಾಂವ್ಕ್ ನಾ ತರೀ ರೂಪ್ ಬರ್ಯಾ ಸಾಮಾರಿಯಾಗಾರಾಚೆಂ ನಾಂವ್ ಕರ್ತಾತ್ ವಿರೂಪ್..!! ಫ್ರಾಜೆಲೊ. #KonkaniPoetry #konkanilanguage #konkanipreran #konkankalo #Konkani #konkanikavi #konkankutam #kavithathembo #mangalorekonkanipoetry