मनातील विचारांचे काहूर जणु सागराच्या फेसाळत्या लाटा... परतुन देतात धडका शोधती जणु मुक्तीच्या वाटा... कधी होतात काव्य, कधी वाटे आकाशीच्या तारका,बहरती कधी फुलासम, तर कधी रुते पायी काटा... सुप्रभात माझ्या मित्र आणि मैत्रिणीनों आज अलंकारा मध्ये आपण दुसरा प्रकार बघणार आहोत. तो आहे उत्प्रेक्षा अलंकार. २) उत्प्रेक्षा:- उत्प्रेक्षा हा मराठी भाषेच्या अर्थालंकाराचा एक उपप्रकार आहे. उपमेय हे जणू उपमान आहे असे वर्णन असते तेथे उत्प्रेक्षा अलंकार होतो. (जणू,गमे,वाटे,भासे,की) उदा: ती गुलाबी उषा म्हणजे परमेश्वराचे प्रेमच जणू. सोने-चांदी-रत्नमाणकांचे दुकानच हे जणू.