भोजपुरी में परिचय हम हंई खांटी भोजपुरिया, गाँव ह मुरारपट्टी जिला बलिया। जवार में कौने गाँवे नईखे, मुरारपट्टी ले बढ़िया।। बोलेनी खारा -खारी, मन में नईखे करिया । थाना हटे दोकटी, लालगंज बाजार के पीछवे बा ढलिया।। हाईस्कूल बा मुरारपट्टी गईयां , जहाँ हम दस ले पढले रहनीहा। ओकरे पीछे बा लालगंज बजरिया, जहाँ उमा के दोकान के फेमस ह मदन- घचाकिया।। बारह ले पढनी दूबेछपरा, फेरू अइनी इंदौर में करे कालिजीया। पढ़ाई-लिखाई भइल,मिलल पुलिस के नोकरिया। लागल बानी तहिए से दिन दुपहरिया।। नाव हमार मनोज पाठक, माई कहेले हमरा के करिया। भारद्वाज गोत्र के हंई , इहे परिचय हटे हमार भइया।। भोजपुरी के तोड़े नइखे,कहीं रह बोल खाली भोजपुरिया। ****नवीन कुमार पाठक *** #भोजपुरी में परिचय #