ಅವಳ ಕಣ್ಣುಗಳೆರಡೂ ನೀನೊಬ್ಬ ಮೋಸಗಾರನೆಂದು ಕೂಗಿ ಹೇಳುತ್ತಿದ

ಅವಳ ಕಣ್ಣುಗಳೆರಡೂ ನೀನೊಬ್ಬ ಮೋಸಗಾರನೆಂದು ಕೂಗಿ ಹೇಳುತ್ತಿದ್ದವು. ಆದರೆ ಮೌನಕ್ಕೂ ಅರ್ಥವಿದೆಯೆಂಬುದು ಅವನಿಗೆಲ್ಲಿ ತಿಳಿದೀತು? ಆ ನಿಸ್ತೇಜ ಕೂದಲೋ, ಅವಳ ಕಣ್ಣೀರನ್ನೊರೆಸುವ ಸಾಹಸದಲ್ಲಿ ಜಯಿಸಿತ್ತು; ಈಗವಳ ಕಂಗಳಲ್ಲಿ ಕಾಂತಿಯೊಂದಿಗೆ ಕಣ್ಣೀರಿನ ಹನಿಗಳೂ ಬತ್ತಿ ಹೋಗಿದ್ದವು. ಆದರೆ ಅವನಿಗೆಲ್ಲಿಯ ಕರುಣೆ? ಅವಳ ತುಟಿಯೋ ಒಣಗಿ ಒಡೆದು ನೆತ್ತರ ಸೂಸುತ್ತಿತ್ತು. ಕೆನ್ನೆ ಮೇಲೆ ಸ್ಪಷ್ಟವಾಗಿ ನೆಗೆದಿತ್ತು ಕೈಬೆರಳುಗಳ ಕೆಂಪು ಬರೆ. ಅವನ ಕೈಬೆರಳುಗಳೇ ಬಹುಶಃ ಬೇಸತ್ತಿರಬಹುದು ಅವಳ ಕೆನ್ನೆಗೆರಗಿ, ಎರಗಿ; ಅವನಿಗಿನ್ನೂ ಅವಳ ನೋವಿನ ತಾಪ ತಟ್ಟಿರಲಿಲ್ಲ. ತನ್ನ ಪ್ರತಾಪವಿದೆಂದು ಭಾವಿಸಿದ್ದನವನು. ಅವಳ ಮುಖದಲ್ಲಿ ಇನ್ನೂ ಮಾಸದ ಕೆಲವು ನೋವಿನ ಕಲೆಗಳ ಜೊತೆಗೆ ಎಂದೋ ನಡೆದ ಆಕ್ರಮಣದಿಂದ ಹೆಪ್ಪುಗಟ್ಟಿ, ನೀಲಿಯಾಗಿ, ಕಾಲಕ್ರಮೇಣ ಮಾಗಿ, ಒಡೆದು ಹದವಾದ ಕಲೆಗಳೂ ಕೆಲವಿದ್ದವು. ಅವಳು ವರ್ಷಾನುವರ್ಷ ರಭಸವಾಗಿ ಬೀಳುವ ಮಳೆನೀರನ್ನು ತಡೆದು ನಿಂತ ಬೋರ್ಕಲ್ಲಾಗಿಬಿಟ್ಟಿದ್ದಳು. ಅವನಿಗರ್ಥವಾಗದು. ಅವನು ಸಮಾಜಕ್ಕೆ ಅವಳ ಪ್ರೀತಿಯ ಪತಿಮಹಾಶಯ! ಅವಳಿಗೆ...? #ಅವಳುಅವನು #ಅರೆಘಳಿಗೆ_ಹೊಳೆದ_ಸಾಲುಗಳು #ಕೌಟುಂಬಿಕ_ದೌರ್ಜನ್ಯ #yqjogi #yqkannada #imaginary_tale #rzpictureprompt #yqrestzone collabwithrestzone # YourQuoteAndMine Collaborating with Rest Zone

ಅವಳ ಕಣ್ಣುಗಳೆರಡೂ ನೀನೊಬ್ಬ ಮೋಸಗಾರನೆಂದು ಕೂಗಿ ಹೇಳುತ್ತಿದ

Shruthi U