Kitne asaani se uss doctor ne bol diya, Mere paas | English Shayari

Kitne asaani se uss doctor ne bol diya, Mere paas jeene ka time kam hai yeh raaz khol diya, Dil se pehle toh deemag bandh ho gaya, Aaj shaam ko hospital main admit hone doctor ne bol diya. Socha shikayat karu khuda se kee main hee kyu? Itni zimmedariyo ke beech yeh beemari se fassa main hee kyu? Ek cigarette ko tak haat nahi lagaya tha maine, Par yeh adhuri zindagi jeene ke liye main hee kyu? Sharaab kya cheez hai mujhe nahi pata, Zindagi ne diye dhoke toh karu kisse khata, Ek shaam kee zindagi dee hai sab kaam karne ko, Shuru kaha se karu koi yeh de bata. Zimmedariya itni aur diya aadha din sab karne ko, Maa ko hajj hai ghumaana aur behen kee shaadi hai baaki karne ko, Kaise karu aadhe din main yeh sab kaam, Abhi toh 2 baje kee meeting bhi hai attend karne ko. Yeh zindagi ne bhi kaisa taufa anmol diya, Sab zimmedariya ek taraf aur ek shaam ko tol diya, Dil se pehle toh deemag bandh ho gaya, Aaj shaam ko hospital main admit hone jab doctor ne bol diya. ©Introvert_e_mastikhor (Deepak Pathare) Kitne asaani se uss doctor ne bol diya .... #MunnaBhaiMbbs #Zaheer