कुणी म्हणतं की काय तो एक चित्रकार आहे मामुली, कुणी म्हणत ती काही फुटकळ लिहीत बसते, कुणी म्हणतं वेळेची बरबादी करतो तो, कुणी म्हणत की दुसरं काही जमत नाही म्हणून करतो हे तो, लोक काय म्हणत रहातात हो, काही वाईट गोष्टी बोचणाऱ्या, तो शृंखला चितारतो हो पिंजऱ्यात बंद असताना, ती करते शब्दसाधना शब्द संपलेले असताना, कोण सांगणार त्या शिकलेल्यांना अभिनय सोपा नसतो, कोण सांगणार नुसतं फोटो काढणं आणि चांगला फोटो यात फरक असतो, अहो कलाकाराचं दान घेणं सोपं नाही, उगाच कुणीही उठून कलाकार बनत नाही, आधी जखम करून घ्यावी लागते, त्यावर पाणी मारून ती चिघळावी लागते, जखमेवर मीठ चोळलं की जखम परत भळभळते, त्याच जखमेच भांडवल जगाच्या बाजारात केलं, की उपाधी कलाकार मिळते। कलाकार होणं सोप्प नाही हो, फक्त कलेचं वेड जपता आलं पाहिजे। - ऋतुगंधा #art #artist
