असे वाटते मज असे वाटते मज कवेत घ्यावी स्वप्ने सारी त्या डोंगर दऱ्यांच्या कडे कपारी मारावी मी उत्तुंग भरारी झुळझुळणाऱ्या त्या झऱ्यांचे खळखळणारे पाणी पाहून किलबिलणाऱ्या पक्षांसोबत नाचनाचूनि गाणे गाऊन दूर सारेन पर्वत सारे जे देती मजला ललकारी असे वाटते मज कवेत घ्यावी स्वप्ने सारी त्या डोंगर दऱ्यांच्या कडे कपारी मारावी मी उत्तुंग भरारी फेसळणाऱ्या त्या लाटांचा अथांग असा हा सागर पाहून सागरातील माशांसोबत हितगुज सांगून जावे वाहून दूर सारेन तुफान सारे जे रोखतील माझी वाट वाहणारी असे वाटते मज कवेत घ्यावी स्वप्ने सारी त्या डोंगर दऱ्यांच्या कडे कपारी मारावी मी उत्तुंग भरारी लुकलुकणाऱ्या त्या ताऱ्यांचा चमचमणारा रुबाब पाहून आकाशातील ताऱ्यांसोबत जावे चमकून, त्यांच्या सवे राहून दूर सारेन तो धूमकेतू जो रोखेल माझी वाट चमचमणारी असे वाटते मज कवेत घ्यावी स्वप्ने सारी त्या डोंगर दऱ्यांच्या कडे कपारी मारावी मी उत्तुंग भरारी - ज्योती किरतकुडवे (साबळे) ©Jk #Dream असे वाटते मज #jkpoetess