سمندر چاندنی میں رقص کرتا ہے پرندے بادلوں میں چھپ | Urdu زندگی کی کہانی اور تجربات

سمندر چاندنی میں رقص کرتا ہے پرندے بادلوں میں چھپ کے کیسے گنگناتے ہیں زمیں کے بھید جیسے چاند تاروں کو بتاتے ہیں ہوا سرگوشیوں کے جال بُنتی ہے تُمہیں فرصت ملے تو دیکھنا لہروں میں اِک کشتی ہے اور کشتی میں اِک تنہا مسافر ہے مسافر کے لبوں پر واپسی کے گیت لہروں کی سبک گامی میں ڈھلتے داستاں کہتے جزیروں میں کہیں بہتے پُرانے ساحلوں پر گونجتے رہتے کسی مانجھی کے نغموں سے گلے مل کر پلٹتے ہیں تمہاری یاد کا صفحہ اُلٹتے ہیں ابھی کچھ رات باقی ہے تمہارا اور میرا ساتھ باقی ہے اندھیروں میں چھپا اک روشنی کا ہاتھ باقی ہے چلے آنا کہ ہم اُس آنے والی صبح کو اک ساتھ دیکھیں گے ۔ ©PK پرانے ساحلوں پر نیا گیت سلیم کوثر #نظم