kisī harf meñ kisī baab meñ nahīñ aa.egā tirā zikr merī kitāb meñ nahīñ aa.egā nahīñ jā.egī kisī aañkh se kahīñ raushnī koī ḳhvāb us ke azaab meñ nahīñ aa.egā koī ḳhud ko sahrā nahīñ karegā mirī tarah koī ḳhvāhishoñ ke sarāb meñ nahīñ aa.egā dil-e-bad-gumāñ tire mausamoñ ko naved ho koī ḳhaar dast-e-gulāb meñ nahīñ aa.egā use laakh dil se pukār lo use dekh lo koī ek harf javāb meñ nahīñ aa.egā tirī raah takte rahe agarche ḳhabar bhī thī ki ye din bhī tere hisāb meñ nahīñ aa.egā ©Mohd Arsh malik noshi jilani #candle
