ना दिखी आप आली गलती किसे नै , सारीहाण दुसरे की वे

ना दिखी आप आली गलती किसे नै , सारीहाण दुसरे की वे काढ़दे देखें.. जीणनै गिरते नै ठाया , मेरे गिरण पै , बजा बजा ताली मनै वे हांसदे देखें..। कोए भला चाण आला पाया बी नहीं , देखे बाट इनकै कद सी नुकसान होवै.. करके नै मां और बाबू का नाम ख़राब , रै बता क्यूं इज्ज़त आर सम्मान खोवै..। कई होलिए बैरी नशे मै कती नास , बुरी संगत तै बणगी जिंदगी कबाड़ रै.. एक दोस्त आराम तै सी पूछै दुसरे तै लेरया सै के भाई नशे आला जुगाड रै..। खुद राखै बेईमान आली सोच आर , स्टेटस मै सिखांदा फिरै ज्ञान तू.. स्यामी आके तो हंस बटलावै सारे , के पनपै भीतर मै या सारी जाणु सूं.. नसेडिया की गैल खुद नसेड़ी बणगया , गैरा के बतावै सै माड़े लछण छोरा रै.. घरा कदे सागी बाहण की कदर करी ना , आर बणादा फिरै शहरा मै ढबण छोरा रै..। कुछ नी धरया सै इन चीजा मै ओए , आछे कामा तै ख़ुद का नाम करो थम.. शुभम जांगडा सबतै एक ए बात कवै सै , बुरे कर्मा तै Life ना बर्बाद करो थम..। ©Shubham Jangra Mangali #सच्चाई #Nojoto #peoplethinking #Haryanvi

Shubham Shubh