तू होतीस म्हणून... मनातून तुटलो कितीदा तरी तू सावरायला 'सक्षम' होतीस खचलो जरी परिस्थितीपुढे उभारी द्यायला तू 'प्रेरणा' होतीस अंधार डोळ्यांपुढे असला तरी वाट दाखवण्या तू एक 'उजेड' होतीस घेरले जरी कैक श्वापदांनी तरी लढण्यास बळ देण्या तू 'हत्यार' होतीस ते सुखावले जरी माझे दैन्य पाहून तूच उद्यासाठी माझा 'परीस' होतीस स्वकीयांचे वार झेलून आजही हसत उभा आहे; तू होतीस म्हणून... कवी- सोमचंद्र #तू होतीस म्हणून