সন্ধ্যা ******************* জোনাকৰ চাপৰিত উশাহবোৰ মেলি দিওঁতে....! বৈ যোৱা উশাহৰ চেঁচা হুমুনিয়াবোৰে, ছায়াঘন তমসাৰ সুগভীৰ বুকুতেই আঁৰি দিছিল মোৰ বাবে, 'সন্ধ্যা' নামেৰে এটি পোহৰমুখী কবিতা।। সেই নিৰলা চাপৰিত হাজাৰজনৰ ভঙা-গঢ়াৰ অংক। হৃদয়ে তাতে এৰি অহা শৰৎৰ বুৰঞ্জী লিখে। অথচ, বুৰঞ্জীৰ ৰঙচুৱা পৃষ্ঠাত শেৱালিৰ নামেৰে একো কবিতাই নাথাকে। শূন্যতাৰ পৰিধি ছিঙি বৈ অহা অন্তিমটি স্তৱকত থাকে মাথোঁ , কিছুমান উত্তৰহীন সাঁথৰ আৰু পৰিচয় নথকা বিষাদিত সন্ধ্যাৰ সংজ্ঞা। সন্ধ্যা, শেষবিহীন সমীকৰণ এটি ..... মোৰ হাঁহিত জিলিকে, অথচ প্ৰতি সন্ধ্যা তৰাবোৰ আহে হিয়াৰ কাষৰলে, মোৰ সৈতে গোপনে নিয়ৰৰ সাধুবোৰ শুনিবলে। #সন্ধ্যা #yqasssamese #yqbandhoi #writersofassam #asssamesepoem #অসমীয়া_কবিতা
