भरारी... घ्यायचीय उंच भरारी आकाशात स्वप्नांना नवे पंख देवून अन् करायचंय विहार मुक्तपणे स्वच्छंदी पक्षाप्रमाणे कोणतीही तमा न बाळगता... बागडायचंय रानाफुलांत स्वैर फुलपाखराप्रमाणे अन् पसरवायचाय गंध मलाही त्या सुवासिक फुलाप्रमाणे मग आसरा घेता घेता द्यायची आहे मलाही एक दिवस सावली वटवृक्षाप्रमाणे... देतो प्रकाश सूर्य उगवून दररोज नव्याने कोणताही थांबा न घेता, न थकता पाडायचाय प्रकाश मलाही स्वकर्तुत्वाने अन् उजळवून टाकायचीय दुनिया माझी नव्याच ऊर्जेने... करायचीत काबीज, शिखरे नवी खुणावणारी अन् पोहचायचंय त्या खुणावणाऱ्या क्षितिजापलीकडेही मग पहायचंय रोखून नजर जगाकडे अन् अनुभवायचीय ती सुंदरता नव्याने जगण्यासाठी... असेल माझेही एक विश्व त्यात असेन राजा मीच माझ्या स्वप्नांचा वाटेल हेवा जगालाही माझा अन् घुमेल नाद आसमंतात माझ्या किमयेचा... ✍ - अरुण शि. चिंचणगी. आयुष्याच्या संघर्षरुपी वाटेवर स्वतःला सिद्ध करू पाहणाऱ्या प्रत्येक वाटसरूस कविता समर्पित...! #भरारी... #my_inspirational_poem..