Nojoto: Largest Storytelling Platform
Download Nojoto

Install App Get upto ₹ 100 Cash

उगाणै रौ भाणु उगंता ,हंसती गेंहुआ सी बाळी। चम-चमकै

उगाणै रौ भाणु उगंता ,हंसती गेंहुआ सी बाळी। चम-चमकै सुरम्य सुषमा, जैडी- रतनारा री लाळी।। आंथुणा रौ वाजै वायरौ,,,,,,,,,,,, भूत -भभूल्या करता तांडव,दै दै कर वै ताळी। थारीं कसुमळ साडीं जैडौ, यौ मायड़ रौ परिधान।। थारै संतरगी लहरियां सी, यां ईं मुळ्क री पैचाण । आखिर राजस्थाण रंगीलौ,सुर- सुरीलौ मन हठीलौ ।। ऐडौ म्हारौ राजस्थाण रंगीलौ, रूडौ म्हारौ राजस्थाण।। गडीसीसर री बैठ पाळ पै गीत कुरंजा गावै, सौनाणै रै टीला माथै याद मुमळ री आवै। चम -चम करता मरुआं टीला चांदी णै शर्माता, ऊंचौ हियौ लै आडावळ मंगरा देव रमण णै आतां।। चार कौसा तै बदळै पाणी बीस कौसां ते वाणी , त्याग और बलिदाण मान री बदळै नाहिं कहाणी। थारै कमरियां जैडौ लचकै ईंण रौ चम्बळ रौ पाणी , आखिर राजस्थाणै निरालौ शुरा -वीरां री फुलवारी।। बांगा बौलै कोयलडियां री वाणी मन में भावै , प्रीतम री यादां तडफै गौरयां गीतडा गावै। देख चांदणी रोवै चकवा ऐ विरह री गाथा, थै आवौ तौ करला साजण आपां हिया री बातां।। रामु-चरणा मीरा मुमळ सब ऐ मरूधर री गाथा, गौरबंधरां रा रैजा सतरंग गिरबाण पिया री नथणी।। मरवण थारै देस निराणौ ,,,,,,,,,, आखिर राजस्थाण निराळौ ©Ombhakat Mohan( kalam mewad ki) viren kumar kushwaha Rakesh Verma ...... ABRAR जादूगर
ombhakatmohan4358

ओम भक्त "मोहन" (कलम मेवाड़ री)

Silver Star
Super Creator

@viren kumar kushwaha Rakesh Verma ...... @ABRAR जादूगर #पौराणिककथा

14,826 Views