गर्दीत माणसांच्या.... गर्दीत माणसांच्या चुकलो कधीच नाही चाललो एकटा पण थकलो कधीच नाही देवूनिया दिलासे समजावतो मनाला खोटे कुणा खुलासे केले कधीच नाही हातात भाग्यरेषा शोधतो पुन्हा नव्याने भाग्यातले कुणाचे नेले कधीच नाही फाटक्याच झोळीतले मोती उधळले सुखाचे भणंग असलो जरी मी चोरले कधीच नाही माझ्याच सावलीला पोरका असा अभागी ओरबाडूनी सुखाला छळले कधीच नाही बसूनी उगा किनारी लाटांची चिंता कशाला ढाल करुनी कधी कुणाची लढलो कधीच नाही क्षितीजावरी बहरल्या रंगछटा मावळतीच्या अत्तरापरी सुगंधी जगणे करून गेलो ©Shankar kamble #गर्दी #माणसे #वाट #सुख #जीवन #आयुष्य #जगणंकसंअसावं #जगणं
