ಏ ಕಂಬನಿಯೇ.. ನೀನೆಷ್ಟು ಸತ್ಯವೋ.. ನೀನಷ್ಟೇ ಮಿಥ್ಯೆ.! ಶಕ್ತಿ, ಯುಕ್ತಿ, ಭಕ್ತಿಗಳಿಗೆ ಸೋಲದ ಮನಗಳೂ.. ಕರಗಬಲ್ಲವು ಕಂಬನಿಗೆ.! ಹಸಿ-ಹುಸಿ ಕಣ್ಣೀರಿಗೆ.! ಯುಗಯುಗಳಿಂದಲೂ ಜೀವಗಳು ಹೆದರುವುದೆ ಭಾವಾನಾತ್ಮಕ ಬೆದರಿಕೆಗೆ.! ಎದುರಿನವರ ನಯನಗಳಲಿ ಸುರಿವ ಕಂಬನಿಧಾರೆಗೆ.! ಒಲಿಯದವರ ಒಲಿಸಿ ಬಲಿಷ್ಠರನೂ ಬಾಗಿಸಿ ಎದುರಾಳಿಗಳನೂ.. ಮಣಿಸಿ ದಾರಿತಪ್ಪಿಸಲು ನಿನಗಷ್ಟೇ ಸಾಧ್ಯ.! ಓ ಕಂಬನಿಯೇ.. ನಲಿವಿಗೆ ಸಂಭ್ರಮಿಸುವ ಆನಂದಭಾಷ್ಪವಾಗುವ, ನೋವಿಗೆ ಸಂತೈಸುವ ಅಶ್ರುಧಾರೆಯಾಗುವ ನೀ, ವಂಚಿಸುವ ಕಪಟಿಯೂ ಆಗಿರುವುದು ಮಾತ್ರ ಈ ಲೋಕದ ದುರಂತ.! Tear