ओळख नाही त्याची माझी, पण कित्येकदा त्याला,माझ्या वाटेवर उभा राहिलेला पाहिला आहे. नजर चुकवत चालायची नेहमी मी, आज नजर मिळताच त्याने हसण्याचा प्रयत्न केला आहे. पुन्हा मी दुर्लक्ष करीत माझ्या वाटेला चालू लागली, कुणास ठाऊक का चालताना त्याच्या विचारात हरवू लागली. दुसऱ्या दिवशी पुन्हा त्या वाटेवर माझीच नजर फिरली, थांबायचा तो ज्या जागेवर तिथे न दिसल्याने चोहीकडे मी नजर फिरवली. दुसऱ्याच ठिकाणी उभा तो,कदाचित माझी परीक्षा घेतली, हसला आज पुन्हा एकदा गालावर आणत मिश्किल खळी. पुढल्या दिवशी समोरच माझ्या अचानक येऊन उभा राहिला, हातात एक गुलाबाचे फुल देत,मैत्रीचा प्रस्ताव दिला मला, काय करावे काय नाही,मला काहीही कळेना झाले, मैत्रीचा प्रस्ताव स्वीकारावा की म्हणावे बस झाले तुझे चाळे. व्हॅलेंटाईन वीक म्हटलं की सगळेच मजनू होतात इतके माहित होते, पण ते अनुभव माझ्याही वाटेला येतील हे मात्र ठाऊक नव्हते.— % & नमस्कार मित्रहो, आजचा विषय आहे..मैत्रीचा प्रस्ताव तर उचला लेखणी अन लिहा भरभरून. या विषयावर आपल्या मनातलं लिहा..लिहिल्यावर कमेंट बॉक्स मध्ये संपन्न झाल्याचे जरूर लिहा कृपया following मध्ये जाऊन नोटिफिकेशन ऑन करून ठेवा जेणेकरून काव्यानंद वर झालेल्या पोस्ट त्वरित कळतील