°मज लागो देवा° मज लागो देवा । सेवेचिये गोडी । गाईन आवडी । तुझे नाम ॥ गोड तुझे नाम । असो माझे ओठी । आशीर्वाद पाठी । असू द्यावा ॥ भवातूनी मज । तूच आता सोड । लागू दे रे ओढ । हरी नाम ॥ कैवल्याचा राणा । जरी ना भेटला । तरही साठला । भक्तिभाव ॥ अंतरित ध्यान । रोज करताहे । तुज पाहताहे । दाही दिशा ॥ भवातून मुक्ती । तूच दे रे आता । तूचि असे दाता । पामरांचा ॥ भक्ती भाव माझ्या । भरलाहे मनी । तूचि ध्यानी मनी । सदा असे ॥ मनोभावे रोज । करताहे सेवा । रोज तुझी देवा । पांडुरंगा ॥ ✍🏻© •देवानंद जाधव• धामणी, पुणे. 9892800137 ©Devanand Jadhav अभंग...मज लागो देवा । सेवेचिये गोडी...
