#स्माईल प्लीज असं स्वतःला म्हणून तर पहा...... क्षणभर आरशापुढे उभी तू रहा स्वतःलाच स्माईल प्लीज असं स्वतःला म्हणून तर पहा मान्य आहे दिवसभर कामं खूप असतात एकापाठोपाठ ते कामं फक्त तुझ्याच डोळ्यांना दिसतात दिवसातले तुझ्यासाठी मिनीट काढ दहा अन् क्षणभर आरशापुढे उभी तू राहा व स्माईल प्लीज असं स्वतःला म्हणून तर पहा सासू-सासरे,मुलं,पती सर्वांसाठी तु राबतेस तुझ्या छंद आवडी मात्र ओठा आड दाबतेस छंद आवडी तुझ्याही कधी फुलवून तर पहा अन् क्षणभर आरशापुढे उभी तू रहा व स्माईल प्लीज असं स्वतःला म्हणून तर पहा मुलगी,बहीण,पत्नी,आई म्हणून तर जगायलाच हवं पण त्यासोबतच तुझ्या अस्तित्वाकडेही तू बघायला हवं तुझ्या कर्तृत्वालाही थोडी उभारी येऊ दे चार-चौघी मध्ये तुझंही नाव होवू दे जीवनाचा आनंद खरा घेऊन तर पहा अन् क्षणभर आरशापुढे उभी तू रहा व स्माईल प्लीज असं स्वतःला म्हणून तर पहा मान्य आहे काही दिवस करतील सगळे राग किती दिवस धुमसत ठेवशील मनातली ती आग रागाची ही सवय त्यांच्या कर आता स्वाहा अन् क्षणभर आरशापुढे उभी तू राहा व स्माईल प्लीज असं स्वतःला म्हणून तर पहा @शब्दवेडा किशोर ©शब्दवेडा किशोर #स्त्रीजन्म