سال 2024 یہ سال وقت کے دریا میں تیرتا ایک جزیرہ تھا جہاں لمحے گہرے رازوں کی مانند ساحلوں پر جا ٹھہرے ہر صبح ایک نویدِ نور تھی ہر شام ادھوری کہانیوں کی گواہ یہ سال محبت کے دشت میں گمشدہ قافلہ تھا جو کبھی خوشبوؤں کے نگر میں اترا تو کبھی دکھ کے صحرا میں سرگرداں ہوا یہ موسموں کا خاموش راوی تھا جو ہوا کی سرگوشیوں میں قصے بُنتا رہا اور بارش کے قطروں میں آنکھوں کی نمی چھپاتا رہا یہ سال خوابوں کا دیوان تھا جن کے اوراق کبھی سنہرے ہوئے کبھی وقت کی نمی سے دھندلا گئے یہ امید کا جگنو تھا جو اندھیروں میں ٹمٹماتا رہا اور روشنی کی نوید دیتا رہا اے سالِ رفتہ! تُو ایک استاد تھا جو ہمیں دکھوں کو سہنے کے ہنر سکھاتا رہا اور صبر کے مرہم سے زخم بھرنے کا راز بتاتا رہا تُو ایک شاعر تھا جس کی ہر گھڑی جذبات کی ایک نظم تھی تُو ایک مصور تھا جس نے ہمارے دلوں پر یادوں کی تصویر کھینچی اب تُو رخصت ہونے کو ہے مگر اپنے نقش ہمارے وجود میں چھوڑے جا رہا ہے ہم نئے سال کے دہلیز پر کھڑے ہیں پرانی کہانیوں کو سینے سے لگائے اور نئی کہانیاں لکھنے کے لیے تیار ✍️ مہوش ملک ©Mehwish Malik #
