White तो वरचा देव असे पायलट.. शब्दवेडा किशोर माहि | Marathi कविता

White तो वरचा देव असे पायलट.. शब्दवेडा किशोर माहित नाही रंग रुप काही माहिती नाही स्वभाव खास त्याचा तरीही आपण ठेवतोच ना विश्वास आपल्या आयुष्य नामक विमानाच्या पायलटवर कायमचा........ ll१ll तिकीट काढून बसतो या आयुष्य नावाच्या विमानात पण आयुष्याच्या प्रवासाबद्दल नसते काही माहिती तरीही असते ना खात्री त्याबद्दल नसते कुठली चिंता किंवा भिती........ ll२ll नाही वाटत कधीच कुठलीच काळजी किंवा नाही घेत कुणीही कधीच कुठलीही शंका निर्धास्तपणे बसतो विमानात मात्र असतो त्याबद्दल विश्वास पक्का........ ll३ll असाच ठेवुया दृढ विश्वास आपण सदा अशीच ठेवु त्या परमेश्वरावरही श्रद्धा सहजपणे जगु आपण जीवन मग नाही होणार आपल्याला कधीच कुठलीही बाधा........ ll४ll करत रहातो आपण सतत चिंता काळजी भूत भविष्याची जीवनात आपण का नाही ठेवत देवावर श्रद्धा भाव तोच भवसागरातून नेईल तारुन........ ll५ll जगाचा सोडावा विचार प्रत्येकाने स्वतः वर प्रेम करावे फक्त आपण मात्र देवावर हवी श्रद्धा भक्ती पूर्ण मग तरंगत राहु आनंदात सर्वजण........ ll६ll जसा ठेवतो आपण त्या विमानाच्या पायलटवर विश्वास तसाच विश्वास असला पाहिजे आपला त्या परमेश्वरावर मग नाही करायची कधी काळजी कसलीच तो नेईल बरोबर आपल्या आयुष्याला सन्मार्गावर........ ll७ll ©शब्दवेडा किशोर #आयुष्याच्या_वाटेवर