Best लवंगलता Shayari, Status, Quotes, Stories

Find the Best लवंगलता Shayari, Status, Quotes from top creators only on Gokahani App. Also find trending photos & videos about

2 Followers
3 Stories

उमा जोशी

जाण्याची का झाली घाई तुला राजसा आज काय फायदा करून मी हा शृंगाराचा साज थांब जरासा अजून नाही रात्र संपली राया सुगंध पसरत अजून आहे बघ हा अत्तर फाया खेळे वारा बटांसंगती लपाछपीचा खेळ नजरेत नजर रोखून पहावे अशीच ही वेळ बोटांनी संवाद साधता तनु थरारून जाई लाज वाटते मला राजसा मिठीत अलगद घेई ओठांवरती ओठ ठेवुनी टिपून मध तो घेऊ स्वप्नांमधल्या वाटांवरती धुंद होउनी जाऊ काजळभरल्या डोळ्यांमध्ये पहा प्रेम तू माझे छेडित तारा श्वासांमधुनी अपुल्या वीणा वाजे शुक्राची बघ दिसे चांदणी पूर्व दिशेला आता अलगद चुंबन भाळावरती देई जाता जाता डोळ्यांपुढूनि निघून जा वळूनही ना बघता समजुत घाले मनाचीच मन नयनी अश्रू गळता पुन्हा भेट व्हायची कशी अन केव्हा ठाउक नाही देत दिलासा मनास काही वाट तुझी मी पाही फिरून नाही परतुन आला साजण माझा दारी कर्तव्याच्या रणांगणावर कामी आली स्वारी दुःख उराशी जपून ठेविन तुझ्या स्मृतींना जपता तुझे नाव ओठांवर येइल सदैव उठता बसता नको सोबती आता कुठल्या संसाराचा घाट जन्मोजन्मी तुझीच वेड्या पाहिन मी रे वाट -- १९/१२/२०२२ २३:३५ ©उमा जोशी #लवंगलता #८_८_८_४

#लवंगलता #८_८_८_४

जाण्याची का झाली घाई तुला राजसा आज
काय फायदा करून मी हा शृंगाराचा साज
थांब जरासा अजून नाही रात्र संपली राया
सुगंध पसरत अजून आहे बघ हा अत्तर फाया

खेळे वारा बटांसंगती लपाछपीचा खेळ
नजरेत नजर रोखून पहावे अशीच ही वेळ
बोटांनी संवाद साधता तनु थरारून जाई
लाज वाटते मला राजसा मिठीत अलगद घेई

ओठांवरती ओठ ठेवुनी टिपून मध तो घेऊ
स्वप्नांमधल्या वाटांवरती धुंद होउनी जाऊ
काजळभरल्या डोळ्यांमध्ये पहा प्रेम तू माझे
छेडित तारा श्वासांमधुनी अपुल्या वीणा वाजे

शुक्राची बघ दिसे चांदणी पूर्व दिशेला आता
अलगद चुंबन भाळावरती देई जाता जाता
डोळ्यांपुढूनि निघून जा वळूनही ना बघता
समजुत घाले मनाचीच मन नयनी अश्रू गळता

पुन्हा भेट व्हायची कशी अन केव्हा ठाउक नाही
देत दिलासा मनास काही वाट तुझी मी पाही
फिरून नाही परतुन आला साजण माझा दारी
कर्तव्याच्या रणांगणावर कामी आली स्वारी

दुःख उराशी जपून ठेविन तुझ्या स्मृतींना जपता
तुझे नाव ओठांवर येइल सदैव उठता बसता
नको सोबती आता कुठल्या संसाराचा घाट
जन्मोजन्मी तुझीच वेड्या पाहिन मी रे वाट
-- १९/१२/२०२२ २३:३५

©उमा जोशी #लवंगलता #८_८_८_४

उमा जोशी

संध्यासमयी येता आठव जीव खुळा तो होई जाता नाही याद जात ती डोळा पाणी येई तुझी आठवण छळे मनाला कातर संध्याकाळी आणिक सोबत तुझ्या राजसा मागे मागे नेई त्यावेळेची ओढ आठवुन मोहरून मी जाते स्पर्श तुझा मग मनास होतो गाली लाली चढते फरफट होते माझी तेथे आठवणींच्या गावा तरी खुळी मी मनापासुनी प्रेमगीत ते गाते सोबत नेसी आणिक जासी तिथे सोडुनी मजला केला आहे सांग ना मला असा गुन्हा मी कसला किती वाट मी अजून पाहू किती आसवे गाळू ये ना परतुन अखेरचा हा माझा उत्सव सजला तुला एकदा बघेन भरुनी डोळे थकले माझे डोळ्यांमध्ये अजूनही रे तुझीच प्रतिमा साजे अंती व्हावी भेट आपुली असे एवढी इच्छा कधीपासुनी पैलतिरी बघ मृत्यूघंटा वाजे येणे नाही परतुन आता निरोप हा शेवटला जाते निघून मनात आता संशय नाही कसला तेवढीच ती संगत होती लिहिली सखया भाळी पाहशील तू आठवणीतच तुझिया आता मजला --- उमा जोशी २८/०४/२०२१ ©उमाच्या मनातलं #गोदातीर्थ #आठवण #लवंगलता

#गोदातीर्थ #आठवण #लवंगलता